經過左 Puzzle World o既一連串迷幻魔法洗禮之後呢, 7傻組已經成功升呢, 成為左 Wanaka o既 七福 "神" 化組 啦~ 啦~ 啦~
(請鼓掌)
咁究竟有幾 "神" 化呢, 大家慢慢睇落去啦...
係住宿換過泳衣後, 七福 "神" 化組就直奔 Lake Wanaka, 準備下一項挑戰, 就係跳海啦... 丫~~~ 唔係, 係跳湖先啱.
Lake Wanaka湖水溫暖, 是十分適合碧波暢泳架, 加上日長夜短, 水溫更加持續長時間, 我地去到湖邊, 大約8時, 太陽仍猛呢.
已經整裝待發
係呢度, 大大細細朋友都好 free 咁由碼頭跳水...
乜話, 你唔信?! 就比 d 野你睇
唔好眨眼啦 ...
呱呱, 關我乜事呀, 呱呱 ...
哎吔 , sorry sorry 貼錯, 下面至真
壯男美女也跳水
各位, 插水勇者真身 ...
阿福第一個寫個 "服" 字比你, 係五體投地拜服...
老婆, You 斟涯唔斟呀 ....
你睇, 阿福同阿壽嚇傻左啦, 佢地平時都已經傻更更架啦, 睇怕要攞乖孫d保嬰丹過佢地食先得啦 ...
老爺, 呢個係福山雅治個型男姿勢黎架播, 唔係人人都可以模仿架喎
咁呢個掂唔掂 ...
唉, 算把啦, 因住冷親呀 ....
今日號外事件 : 伸一腳自動跣落水驚魂
有人見勇者跳得咁過癮, 於是胆生毛, 又話要落水, 但坐係碼頭, 扭扭擰擰又落又唔落, 最後, 係比人伸一腳之前, 就自動跣落水 ...
以上係模擬相片, 如有雷同, 實屬巧合
本來阿福都想係 Lake Wanaka 碧波暢泳, 感受一下被淨水撫摸果種感覺.
無奈今日係 Puzzle World 經歷左神魂顛倒事件, 狀態仍未完全恢復, 所以最後決定浸下腳算啦!
正所謂, 犧山莫犧水, 阿福係精神上全力支持各位落水勇者.
咁唔落水, 可以玩 d 乜
玩啞口冇言啦
唔... 乖孫, 阿爺試過啦, "算"手指真係幾過癮...
嚮往飛翔o既人...
喂喂, 返來返來, 映左去邊樹呀?!
哎吔, 有 d 咩係我個頭度呀, 濕濕地 o既?!
- 以下係PG 家長指引 -
bb 呀bb ....
咩事呀, bb....
我地對腳呢?
係 wor, 邊個攞走左我地對腳?
bb, 唔好理對腳住啦, 呢度環境咁靚, 我地 sweet sweet 下先啦...
好呀, bb 我要錫錫...
bb 呀bb ....
又咩事呀, bb....
我地對腳又番黎啦 wor
吓, bb, 好似爭 d 野 wor
唔係丫bb, 你一隻, 我一隻, 咁夾埋咪一對囉...
bb 你真叻, 我要錫錫...
好啦, 好啦, 各位 bb, 喪玩到呢度啦, 太陽落山啦.
Lake Wanaka 由於係乾淨o既淡水, 所以唔駛沖身, 換過衫, 就出發去開餐.
呢間係一間正宗地道o既紐西蘭餐廳, 感謝天父o既安排, 我地每一餐都不缺欠
餐廳環境一流, 對正湖, 但因為係 Boxing Day, 所以人多 order 多, 我地等足成個鐘, 都未有得食, 但靚女侍應多次黎同我地 say sorry, 所以我地都唔好意思追單
不過, 菜黎o既時候, 我地都一致同意, 係值得等o既
埋單承惠 NZD 170, 超值, 為到港幣約$150一位, 係香港, Pizza Hut 都唔得啦
食飽豐富o既紐西蘭菜後, 返到住宿已經係10點有多啦, 各人返房梳洗一下後, 又會聚埋一齊開試酒會, 就係今日係酒莊買o既果枝酒.
好在今日係超市掃左好多送酒零食, 由於最高尚宮同阿福都係唔熟酒性, 所以就以 Sparkling Juice 代酒, 黎同大家乾杯, 願天父祝福咁美麗o既紐西蘭
所以話呢, 2014一年o既 Boxing Day, 真係 不一樣...
幾分酒意後, 大家都會訓得香甜, 明天, 就要同咁有活力o既 Wanaka 講再見啦
Wanaka 係個多元化o既渡假小鎮, 動靜佳宜架 : Wanaka 官方旅遊網
沒有留言:
張貼留言