下一篇 : Day 6 - 12月26日 : 優皮公子 華納卡湖 Lake Wanaka Part 3 - 喪玩 Boxing Day
26 December 2014 - Rippon + Puzzle World
今日係 Boxing Day, 陽光普照
當然啦, 話到明 Lake Wanaka 係 Hey Big Spender 消閒渡假 o既地方, 咁今日梗係會訓到自然醒啦.
冇乜特定行程, 冇任何日團, 十分 Hea .....
Wanaka 係位於南島的 Otago 省, Queenstown 亦係位於這個省份. 由於這一帶屬於山區乾燥氣候, 所以十分適合葡萄生長. 自然酒莊也遍佈這一帶.
紐西蘭釀酒技術資歷比歐洲較淺, 所以都被稱為新世界級酒, 以上的酒莊, 都係歐洲移民的第三代, 在 1970年代才開始種植葡萄.
去 Rippon o既途上, 遇上 Lake Wanaka 寧靜o既一角 :
阿福試學雙飛俠, but 飛極都飛唔起
咁大家一齊啦
由湖邊出發, 駛入一個唔起眼o既小路, 慢慢上山, 幾分鐘就到酒莊, 嘩嘩嘩, 呢度靚到丫, 簡直好似去左法國 o既 普羅旺斯 ...
雖然阿福未去過普羅旺斯, 不過睇完相, 就會明我形容得啱架啦
呢幅就係第二張, 全個行程阿福最滿意架
近鏡果扎係新鮮薰衣草黎架
大家當係李嘉欣坐係度就得架啦 ^.^'
呢張係李嘉欣企係度
各位, 以下係公佈2014年度, 全球最佳照片
試酒的職工好專業
有個板介紹歷史
試下先, 同我地一齊試o既, 咁啱係香港人, 一家三口黎到
老爺似乎好滿意咁喎
咁就扑鎚啦
今晚有試酒會啦!
試完酒, 仲買埋, 大家都懷住一個唔捨得o既心情, 同咁靚o既酒莊講再見.
整個設計分兩部分, 第一部分係利用腦與視覺的誤差, 令人產生錯覺, 第二部分就係一個大迷宮
呢個就冧o既鐘樓就係佢o既Logo啦, 個鐘數目字左右調轉左
戶外有個大草坡, 用黎做乜, 咪一齊睇下囉
鬼叫你窮呀, 頂硬上啦
我頂
我啛
唏
救命呀, 半天吊
以上係小兒科, 好多都穿崩, 睇下人地可以玩到咁盡架, 好抵死
第一部分有好多個展館, 好過癮.
令阿福神魂顛倒o既, 非呢個莫屬
Michael Jackson 上左身?
非也, 其實塊地板係一塊好斜o既斜坡, 佢利用鏡同四週的直線設計, 欺騙左對眼, 然後話比大腦知, 呢度係平地黎o既, 直到人一踏入呢間房, 就會失去平衡, 一扑一碌啦. 呢個就係令每個入到黎o既人, 都有歪念o既原因啦!
阿福一向有耳水唔平行o既隱疾, 初時唔為意事態嚴重, 仲興奮不停玩, 點知唔夠兩分鐘, 突然覺得天旋地轉, 腳步浮浮, 成個人撻左埋牆, 唔知邊度係前, 邊度係後, 冇幾耐仲想嘔添, 真係失禮.
上面第一張相, 可以睇到阿福已經臉青口唇白, 開始拗底啦...
阿福最後唔知被邊個帶離現場, 係外面坐低一陣, 個魂魄先至返來.
魂魄 call 齊返黎後, 去參觀下一個
若慢慢係d樣前面行過, 塊面會跟住你轉o既, 睇上去係突出黎彫, 實際上係粒入去架
通常最擾亂視覺的, 就是直線
睇完呢個館, 都係要去方便方便一下先
我啋, 撞鬼囉, 男女同廁 ? !!
廁板好多金銀呀
呢個就溫和好多
唔合邏輯o既畫
老爺灌水
以下呢間房, 又係視覺上o既徧差啦
阿福勁鬧人
好人唔鬧人
未見過惡人
大人與細人
掌上老婆大人
玩左咁耐, 係時候要開餐啦, 我地買左套票, 所以食完飯返黎再入都得
今日仍然係假期, 好多舖頭都唔開
尋尋覓覓, 最後食中餐
玩完戶內, 下晝返黎玩戶外, 呢個迷宮, 將剛食過午餐消耗淨盡
共分為紅, 藍, 綠, 黃 4個目的地, 全部完成為 winner
紅
藍
綠
黃
Yeah !!!! We are the winner
7傻憑住團隊精神, 完成任務, 夾埋幾百歲, 睇怕可以報名入健力士記錄.
曬到燶, 行謎宮, 行完又再肚空空, 係呢個馨烚烚o既時間, 大家又掛住果間7仔 o既雪糕.
7傻旋風又吹到, 7仔o既店員靚仔哥哥, 真係多得你唔少.
食飽雪糕後, 係隔離超市買明早早餐食材, 並小食作今晚試酒會, 然後返住宿換泳衣, 到湖邊碧波暢泳啦.
沒有留言:
張貼留言