下一篇 : Day 6 - 12月26日 : 優皮公子 華納卡湖 Lake Wanaka Part 2 - Rippon 優美酒莊 + Puzzle World 迷幻世界
25 December 2014 - D. Wanaka Edge Suite
由 Franz Josef Top 10 Holiday Park 出發, 經過 Haast Pass, 到 Wanaka o既 township, 已經係6點之後啦.
黎到住宿o既寫字樓, 早已經收工, 門口又掛住 "CLOSED"
死火, 唔通今晚要訓街 !!!
E大姐最鎮定, 佢從門口旁邊o既信箱, 攞出左個信封, 上面寫住 E大姐個名, 哦, 原來我地 d 鎖匙全放係入邊, 真係一額汗.
紐西蘭o既治安好, 係呢度可見一班, 咁樣放鎖匙係信箱, 比左係香港, 早就已經冇左.
呢間住宿真係細心又有人情味, 後來佢地幫左個大忙, 遲一步再詳細講.
今日號外事件 : 南島神勇雙飛俠
攞住鎖匙, 大家歡天喜地去 discover 所在單位.
1樓, 咦冇喎, 2 樓, 都冇啫, 3 樓, 冇 ...
OMG, 我地兩個單位係頂樓 !!!!
當堂大家 O 曬咀.
我地壯丁得幾丁, 加上今日發生左十下十下夾住事件, 又少一丁, 咁真係大近事啦....
決斷英明o既老鄧同S哥, 二話不說, 即刻將大件行李攞落車, 兩人如鷹展翅, 將行李逐一抬上樓.
我地女人們都不敢怠慢, 都將其他細件濕濕碎攞上樓, 傷丁就負責看車.
神勇雙飛俠今日誔生啦, 請大家鼓掌!!!
雖然係濕碎野, 但阿福又大食, 又冇力, 平時運動又唔積極, 行到上頂樓, 就已經得返半條人命, 可知雙飛俠佢地o既 POWER 係幾勁, 讚呀!!!
我地訂左兩個兩房的單位, 間隔完全一模一樣.
兩間雙人房, 一個連廁所浴室, 客廳, 飯廳及露台各一, 廚房設備齊全, 最感動o既, 就係個廚房竟然有洗碗碟機架, Bravo !!!
客廳飯廳及露台
濶大露台
放好行李, 又要即刻出發, 去 township 遊下及買食材.
Wanaka 係個充滿法國風情o既休閒小鎮, 好多米芝蓮食肆, 高級住宅都集中係呢度. 名乎其實, 係 Hey, Big Spender o既渡假地方.
Lake Wanaka 湖水呈寶藍色, 不會結冰的, 夏季水溫好暖, 所以成為全能運動健兒o既最佳訓練場所.
好有特色o既小碼頭, 拍攝時間已是晚上8時半, 太陽仲未落山
這位可能係未來o既三項鐵人
阿福 : 壽頭, 不如夾份買左果隻遊艇囉...
阿壽 : 福頭, 你咁冇大志o既, 買都唔係買咁細隻啦...
阿福 : 咁呀, 等我今晚早d訓先得...
阿壽 : ............
黎到鎮上, 我地又遇到另一個難題, 今日聖誕節, 全鎮休業一天, 即係話, 我地今晚同埋明日早餐, 係未有著落
大街靜英英, 車都唔多架
正當我地企係掛左 "CLOSED"牌o既超市門日騰雞時, 有幾位路人甲, 乙, 丙, 話比我地知, 行落少少有.
我地好似見到救命恩人咁, 連說 thank you!
走前少少睇下先, 哦, 原來係間七仔黎o既.
咁呢間七仔點都大過香港果d, 問過之下, 佢地當日都收11時.
眼見佢地檔雪糕各式其式, 亦唔算貴, 於是唔駛考慮, 食雪糕是也.
阿福揀左熱情果味o既雙球脆筒, 因為抵d.
當杯雪糕遞到阿福隻手果時, 嘩嘩嘩!!! 見到真係眼都突埋, 果兩球雪糕, 仲多過酒樓叫果碗白飯, OMG, 多到唔知點食, 最後要搵阿壽同 K十郎 share 才攪掂, 真誇張.
雪糕滑溜香甜, 滿足到冇朋友.
嘆完雪糕, 就即刻揀食材, 呢度七仔係有火腿, 煙肉及蔬菜買架, 我地每樣都執d, 簡簡單單做今晚o既聖誔餐.
7傻係七仔捲起左一陣旋風之後, 就大搖大擺咁走左啦, 個負責招呼
o既靚仔店員哥哥, 早已經係一額汗啦.
是日聖誕菜單 :
吞拿魚長通粉
鼓油皇炒意粉
焗薯條
聖誔日特備節目 : 交換禮物
人人滿載開心, 主耶穌 Happy Birthday !!!
夜深啦, 推開大門, 到外面吸吸負離子, 應該會更好訓.
抬頭看天, OMG, 幾乎想尖叫 ....
只見頭頂滿天繁星, 十級震憾, 加上在頂樓, 更見星空廣濶.
原來天父安排左我地住頂樓, 係要向我地展示佢o既榮耀, 哈利路亞 !
上一篇 : Day 5 - 12月25日 Haast Pass 聖誔日走在紐西蘭最美的路上
下一篇 : Day 6 - 12月26日 : 優皮公子 華納卡湖 Lake Wanaka Part 2 - Rippon 優美酒莊 + Puzzle World 迷幻世界
--> 回頂頁
--> 到目錄
沒有留言:
張貼留言