30 December 2014 -- Shotover Jet
參加完蒸汽遊輪 + 農場體驗日團後, 阿福跟第二路, 再次返到遊客服務中心, 得知因為大風, 滑翔降傘已停了, 可惜可惜.
於是立刻轉軚, 參加4:45 o既Shotover Jet.
等緊上巴士
20 分鐘車程就到了, 落緊雨啦
全副裝備搞野 look, 人人笑得咁爽, 一陣就知味道
360 迴旋, 阿媽救命呀
披頭散髮, 極度驚嚇
型仔 Captain Ryan
上船的碼頭仔
Canyon River
誠惠每位 NDZ129, 名乎其實貼錢買難受 :P
請看 :
加埋落雨, 玩完後上到岸, 乜水都有啦.
坐回程巴士返 township, 已經係6時半, 我地馬不停蹄, 人人歸心似箭, 急急腳返住宿.
點解咁急? 因為今晚又有靚扒大餐呀, 咁點可以怠慢呢!
途經一間皇后鎮紀念館, 已打烊了
yummy, yummy.
食過豐富晚餐, 7福 "神" 又出動 "哨" 街啦, 明天就係除夕, town 上面人又多起黎, 多數聚集係酒吧.
皇后鎮的公共巴士
飯後甜品點可以少架
有免費雪糕食, 人人都笑騎騎, 連比錢果個都笑得特別燦爛. 開心到連店員哥哥都同我地玩成一片
我地見間手信店未打烊, 於是就唔放過, 入去格下價.
傻福見到 d 價錢唔平, 於是同 E大姐用廣東話講左出黎, 點知後面有人同廣東答返阿福.
回頭一看, 原來係1位黑頭髮, 黃皮膚o既中國人.
傻福當下好尷尬, 好在 E大姐大方同佢展開閒談.
原來佢係8年前移民左去皇后鎮o既港人Eric, 他鄉遇故知, 見到香港人, 佢多次挽留, 叫我地唔好走住, 同佢傾下計, 因為唔多講廣東話o既人.
傾談之下, 原來係佢自動 walk-in, 問舖頭請唔請人, 因為紐西蘭缺乏勞動力, 所以, 店舖立即請佢.
而家佢係主管, 所以可以大無斯樣同我地傾計.
佢仲如數家珍, 將佢係呢度o既經歷, 生活點滴都講曬比我地聽
仲講埋出海釣大魚, 落海摸鮑魚d威水野, 又比手機內d相我地睇, 連老婆仔女個樣都睇埋
然後提我地上 Mt Cook 要著多d 衫, 去 Tekapo 路上有三文魚場, 一定要買.
大家企足1個鐘, 最後由於要打烊, 所以先停左唔講, 我地有d唔好意思, 於是打烊前揀左少少手信, 幫襯下咁啦.
佢過兩日就會 posting 去奧克蘭返工, 所以今次o既相遇, 真係十分難得, 最後仲比左咭片同埋交換左 e-mail address.
我地半講笑咁講, 下次我地到奧克蘭, 要佢做導遊, 帶我地去食盡魚蝦蟹, 佢一口答應.
離開手信店時已經係11時, 街上除酒吧外, 就無什麼可行, 於是 7福 "神" 班師回朝, 返回住宿覺覺豬.
明天, 直衝阿福 o既 dreamland Lake Tekapo.
阿福今次係 Queentown 上山兼下水, 行船又楂車, 經歷左人生重大o既突破, 冇得 "等" 呀, Bravo !!!
--> 皇后鎮官方旅遊網
沒有留言:
張貼留言