講左咁多準備工夫都冇用, 最緊要係有人的組合.
感謝天父, 阿福今次旅途上好 "叠友", 全部都係我o既 "打令", 一路上阿福都備受照顧, 所以在此特別鳴謝以下各位 (封號係阿福比呀) :
最高尚宮 - S 嫲 (封號 : 插水勇者) - 心口掛住勇, 訓身跳落湖, 我阿福第一個寫個 "服" 字!
尚膳宮 - 老鄧 (封號 : 油甘條法師) - 全靠你14日的私房菜, 食到阿福又油, 又甘.
驛馬宮 - S 哥 (封號 : 慢d大師) - 全靠你慢d, 我地個行程快靚正.
銀房宮 - E 大姐 (封號 : sharp 醒大師) - 我地晚晚可以高床軟枕, 都係全靠你的氣勢, 同住宿 counter 揮返黎, 又做埋理財, 勁.
花王 - K十郎 (封號 : 爛 gag 大師) - 你d 爛 gag, 令全車人精神爽利.
阿壽 - L 慢地 (封號 : 扮大師) - 冇你係隔離果晚訓唔著架, 哈哈哈 ....
做好呢份 "宮" - 就係阿福我啦, 咁當然我唔會為自已封號啦!
阿福衷心多謝以上咁多位, 最感動的, 竟然安排左係飛機上同我慶祝生日
所以今年真係一生難忘, 多謝! 願天父的恩典滿滿的臨在你和你們的一家, 以馬內利!
上一篇 : 準備篇
下一篇 : 行程篇
--> 回頁頂
--> 到目錄
沒有留言:
張貼留言