2014年紐西蘭南島16天冰湖山川夢飛行- 序篇

下一篇 : 旅途就如一場夢

經過上次馬交之行後 (澳門威斯汀三日兩夜美食之旅), 我地2014年紐西蘭ge長線旅行已有眉目啦!

初步日期為2014年12月21日至2015年1月5日

本黎呢個行程原定係今年11月出發架, 但有人突然有喜, 所以就推到明年2月, 但最後都因為日子近財政年結, 人人都忙到甩碌, 請不到這麼多假, 所以就將日期推到12月啦.

而家距離呢個日子仲有大約年半的時間, 所以大家都有足夠ge心理準備, 而且, 機票也可以早點劃位, 因為係旺季呀.  雖然未出明年的票價, 但最少都要預八九千閒閒地  ,

唉, 今日起阿福就要食平D啦, 或積極識個有錢人, 日日菠蘿雞先得

大家知唔知點解我個題目用 冰湖山川?

等我逐一解釋啦

冰 -- 係指紐西蘭的國花 Lupins魯冰花, 佢盛開的花期係聖誕節前的12月, 到時遍地漫山都七彩繽
紛, 一定令人嘩嘩聲

湖 -- 當然, 紐西蘭全境的湖, 按國土的比例, 可能係世上最多 (我估, 未經證實), 有大有細, 有奇形怪狀, 但全都係靚到揼一聲, 阿福可以寫包單

其中最特別的, 是世界唯一由冰川形成的 Lake Tasman, 佢係冰川溶落黎, 浮係湖面ge冰山, 分分鐘都幾百歲.

Lake Tekapo 是一個觀星ge最好地方, 有個百年歷史ge石砌小教堂坐落湖邊, 襯起盛開的魯冰花, 風景靚到可以殺左你, 呢度係冬天仲有機會見到南極光架, 全個紐西蘭阿福最仲意就係呢度啦.

Lake Wakitipu 是紐西蘭最長的湖, 著名的皇后鎮就在湖尾, 湖頭所在有一個地方Glenorchy, 是魔戒拍攝地, 當地人稱這地方名為 Gateway to the paradise.

仲有好多, 數住咁多先

山 -- 紐西蘭最高的山係Mt. Cook, 是南亞爾卑斯山脈上一個最壯觀的雪山, 山頂終年積雪, 各大小冰川都係源於佢, 多得佢, 先有咁多大大小小的靚湖區啦, 佢所在的國家公園, 都有各種唔用程度 ge健行家樂徑, 開滿魯冰花ge家樂徑, 就算冇力行, 欄都欄完佢啦, 係咪.

川 -- 就係冰川啦, 其中最大一條係源自Mt. Cook ge Tasman Glacier, 佢直接推入Lake Tasman, 形成各種唔同形狀的冰山, 好過癮.

Fox Glacier, Franz Josef Glacier -- 這兩條冰川好以 Twins 咁排係西岸, 佢有乜特別? 就係佢ge下游係僅有冰川的雨林地貌囉, 呢個係紐西蘭獨有的地貌, 好多鐘意行山ge人, 都會係呢兩條冰川ge森林裏面健行, 森林生滿紐西蘭的國草 Ferns (羊齒蕨), 已成為國家標誌.

寫左咁多, 但都未講到紐西蘭 ei ei 咁多多, 大家不如去官方網站睇曬佢啦, 包你睇到嘩嘩聲 :http://www.newzealand.com/int/
(以上網站取自 100% Pure New Zealand)

2013年8月3日下午12:49

下一篇 : 旅途就如一場夢


--> 回頁頂

--> 到目錄